Gaur bildumara ale berezi bat ekarri dut: Armeria euskadiensis Jaizkibel mendiko iparraldeko labar inguruetan aurkitua.
Endemikoa den espezie hau Iberdrola eta bere morroi desarollisten proiektuekin, Pasaiko kanpoko kaiarekin hain zuzen, arrisku handian dago. Gure seme-alabek agian argazki hauetara jo beharko dute jakiteko nolako flora zegoen gure kostaldean.

Aurtengo udaberrian loreak bereziki handiak eta ederrak ateratzen ari dira.
Oraingoan Errenteri eta Oiartzun artean, Aiako Harriko parkean, dagoen pr gi 1004 ibilbidean beste bi fitxaje egin ditut.
Batetik Saroberrekako harrien artean basoetak mingotsa topatu nuen.

Bestetik erreka berean baina Karrika auzoko lehenengo etxeak lotzen dituen bideko ezpondan Meconopsis cambrica koadrilla handi bat zegoen.

Aurtengo udaberria bereziki loretsua etorri da. Atzo Hernani inguruan osteratxoa egin genuen, Epele auzotik abiatu eta trikuharrien ibilbidera jo genuen Igoingo lepotik Akula mendira eta argazki batzuk egin nituen; etxean liburu eta interneten begiratuta bi fitxa berri egin ditut: Gibel belarra eta Amuntza, lehenengoa zuria eta bigarrena urdina.