Argazkiko zuhaitza Jaizkibel mendiko barietate endemikoa da pinurkia dei genezakena. Kontua da mendiko landaketa egin zenean hego-ekialdeko magalaren zona zabal batean urkiak eta pinuak elkarren ondoan, zer diot, elkarri ukituz landatu zituztela. Zergatik? Batek daki¡¡ Kontsulta eginda foreslalisten dokumentu batean topatu dut pinuak argi asko behar duen zuhaitza dela eta beste zuhaitz baten ondoan landatzekotan urkia izatea komeni dela, izan ere urkiak ez du itzal trinkorik egiten.
Pinu-urkia bikote mordo bat landatu zituzten eta kasu guztiz gehienetan pinuak urkia akatu du, gutxi batzuetan urkiak egin du aurrera pinuaren kaltean eta beste kasu bakan batzuetan biek egin dute aurrera elkarrekin ondoko argazkietan ikus daitekeenez.

Gaur Aranzadiko Mari, Ion eta Anaïsekin Claudium mariscus landarea bizitoki duen Mendizorrotz errekara egin dugu ibilaldia. Euskal Herrian belar hau topa daitekeen toki urrietako bat da Jaizkibel eta Baccharis halimifolia inbaditzaileak arriskuan jarri du. Hori dela eta Aranzadik Baccharis-a aipatu erreka inguruetatik erauzteko programa jarri du abian. Programa honetan Erica vagans txillarra ere babestu nahi du.

Argazkietan ikus daiteke:
1- Ibilaldiko partaideak
2,3- Baccharis Aizporandin.
4- Baccharis ale gazte bat.
5- Claudium landaketa.
6- Claudium mariscus-a.

Jaizkibelen labar gaineko soroetan endemikoa den krabelin mota hau ikusteko parada dugu egun hauetan.

Panpako luma da gure mendietan gehien ikusten den landarea. Bera eta gainerako lore inbaditzaileak ere ezagutu behar ditugu, beste gauzen artea, haien zabaltzea ez laguntzeko. Atal berrira.

Pasaiako San Pedroko Platako itsasargitik Donostiako Uliara doan bidean egindako argazkiak. Hurrenez hurren, ezkila, txilarra, gardua eta inbaditzailea den cruscomia croscosmiflora.

Laurak makroarekin aterata, horizontalean, itsasoa atzeko plano moduan hartuta.

Martin Ugartek jasotako atsotitz honek adierazten du basa-porrua edo ambulu zuriaren loratzea neguaren bukaera markatzen duela eta artantzuak, ardi antzuak alegia, bordako bazka baztertuta lerretara ateratzeko garaia heldu dela.
Antza badu ambulu zuriak baratzeko porruarekin baina ez dirudi familia direnik ambulua Asphodelus albus izena du eta porruak Allium ampeloprasum.
Sasoiei buruzko esaera zahar gehiago armiarma.com webgunean.